Bıyl Qazaqstanǵa 8,3 myń asyl tuqymdy iri qara mal basy ımporttaldy

ASTANA. 6 jeltoqsan. QazAqparat - 2013 jyly Qazaqstanǵa asyl tuqymdy iri qara maldyń 8,3 basy ımporttaldy. Bul týraly «QazAgro» ulttyq basqarý holdınginiń baspasóz qyzmetinen habarlandy.

«2013 jyl boıy 2 jeltoqsandaǵy jaǵdaı boıynsha aýyl sharýashylyǵy salasynda iri qara maldyń 8307 basy ákelindi. Bul rette «QazAgro» holdıngi qarajaty esebinen 7694 mal basy satyp alynǵan, qalǵan 613 mal basy fermerlerdiń qarajaty esebinen satyp alynǵan.
Budan bólek, 18,7 myń mal basyn ımporttaýǵa ótinimder maquldandy, 4,4 myń mal basyna ótinimder qaralýda», - delingen baspasóz baıanynda.

Sonymen qatar, tól ósimin arttyratyn mal satyp alýǵa qatysty 11 aıda analyq iri qaranyń 48,5 myń basy jáne 2,7 myń asyl tuqymdy buqa satyp alynǵan.