Bıyl Qazaqstanǵa 5 mıllıonnan astam sheteldik kelgen

ASTANA. QazAqparat – QR Іshki ister mınıstrligi elimizdegi kóshi-qon jaǵdaıy týraly aıtyp berdi, dep habarlaıdy QazAqparat tilshisi.

QR ІІM Kóshi-qon qyzmeti komıteti tóraǵasynyń mindetin atqarýshy Aslan Atalyqovtyń aıtýynsha, bıyl Qazaqstanǵa 5 mıllıonnan astam sheteldik kelgen.

Olardyń basym bóligi Reseı Federatsııasynan kelgen – 2 mıllıon 900 myń reseılik el aýmaǵyna kirgen. Ekinshi orynda – Ózbekstan (2 mıllıon 300 myń adam) tur. Sondaı-aq elge Qyrǵyzstannan 730 myń, Tájikstannan 330 myńnan astam adam jáne Túrkııadan 90 myńǵa jýyq adam kelgen.

ІІM málimetinshe, qazir Qazaqstanda ýaqytsha 650 myń sheteldik júr. Elden 6 mıllıonǵa jýyq adam ketken.