Bıyl qazaqstandyqtardyń 33 paıyzy jumys izdegen - saýalnama

ASTANA. QazAqparat – El turǵyndarynyń arasynda júrgizilgen saýalnamaǵa sáıkes, qazaqstandyqtardyń 60 paıyzy jumys izdep júr, dep habarlaıdy QazAqparat tilshisi.

OLX.kz onlaın-jarnama servısi sarapshylarynyń elimizdiń eńbek naryǵyna júrgizgen baǵalaýyna sáıkes, saýalnamaǵa qatysqan qazaqstandyqtardyń 33 paıyzy osy jyly jumys izdegenin atap ótken.

Onyń ishinde 60 paıyzy áli kúnge jumys izdep júr. Onyń 35 paıyzy qazirgi ýaqytta kez kelgen jumysty isteýge daıyn.

Respondentterdiń basym bóligi (38 paıyzy) aıyna 500 myń teńge jalaqy alǵysy kelse, 8 paıyzy 100 myń teńgege de qanaǵat tutpaq.

Joǵaryda atalǵan servıs málimetinshe, ótken jyldyń osyndaı kezeńimen salystyrǵanda jumys izdep, suranym joldaǵandardyń sany 20 paıyzǵa artqan.

Jumys berýshiler tarapynan kóp usynylatyn 5 mamandyqtyń ishinde júrgizýshilerge suranys joǵary. Elimiz boıynsha ortasha aılyq jalaqy – 200 myń teńge.

Odan keıingi orynda turǵan satýshylarǵa 140 myń, aspazǵa 150 myń, úı-jaı tazalaýshylarǵa 110 myń, satýshy-keńesshige 130 myń tólenedi.

Jyl basynan beri jumys izdeýshiler arasynda «júrgizýshi», «júkshi», «bala kútýshi», «daıashy» syndy mamandyqtar barynsha tanymal bolyp otyr.

Aıta keterligi, elimiz boıynsha saýalnamaǵa 7 myń respondent qatysqan.