Bıyl Qazaqstandaǵy jalpy ishki ónimniń ósimi 4,3% deńgeıinde saqtaldy – HVQ boljamy

ASTANA. QazAqparat – Halyqaralyq valıýta qorynyń boljamyna saı, bıyl Qazaqstannyń jalpy ishki óniminiń ósimi 4,3% deńgeıinde saqtalady. Muny Úkimet otyrysynda QR Ulttyq banki tóraǵasynyń orynbasary Vıtalıı Týtýshkın aıtty, dep habarlaıdy QazAqparat tilshisi.

«Amerıka Qurama Shtattary men Eýroodaqtyń boljamdardy kóterýine qaramastan, bıyl sáýir aıynda Halyqaralyq Valıýta Qory jahandyq ekonomıkanyń ósý boljamyn 2,8%-ǵa deıin tómendetti. Álemdik ekonomıkanyń ósýine Qytaı men Úndistan eleýli úles qosady», - dedi Vıtalıı Týtýshkın.

Halyqaralyq valıýta qory Qazaqstannyń saýda áriptes elderi boıynsha ekonomıkalyq ósim Eýroaımaq boıynsha 0,7%-dan 0,8%-ǵa deıin jáne Reseı boıynsha 0,3%-dan 0,7%-ǵa deıin artady dep boljam jasady.

«Qytaı boıynsha jalpy ishki ónimniń ósý boljamy 5,2% deńgeıinde, Qazaqstan boıynsha 4,3% deńgeıinde saqtaldy», - dep túıindedi Vıtalıı Týtýshkın.

Buǵan qosa, Vıtalıı Týtýshkın,Qazaqstandaǵy ınflıatsııa aqpan aıynda jyldyq mánniń sharyqtaý shegine jetkennen keıin sáýir aıynda 16,8%-ǵa deıin baıaýlaǵanyn málim etti.