Bıyl Qazaqstanda jumyssyzdyq deńgeıi 5 paıyz deńgeıinde saqtalady - T.Dúısenova
13:09, 28 Maýsym 2016
ASTANA. QazAqparat - Aǵymdaǵy jyly Qazaqstanda jumyssyzdyq eńgeıi 5 paıyz deńgeıinde saqtalady. Bul týraly búgin QR Úkimeti otyrysynda Densaýlyq saqtaý jáne áleýmettik damý mınıstri Tamara Dúısenova málim etti.
Mınıstrdiń atap ótýinshe, «Jumyspen qamtýdyń jol kartasy - 2020» baǵdarlamasyn júzege asyrýdyń aıasynda 167 myń adam memlekettik qoldaýǵa ıe bolyp, jumys isteýge járdem aldy.
«Barlyq sharalardyń eńbek naryǵyndaǵy ahýalǵa oń yqpaly bar. Máselen, Ulttyq ekonomıka mınıstrligi Statıstıka komıtetiniń málimetterine sáıkes, aǵymdaǵy jyldyń 1 toqsanynyń qorytyndysynda jumyssyzdyq deńgeıi 5 paıyz deńgeıinde saqtaldy», - dedi ol.