Bıyl Qazaqstanda jeti túrme jabylady
16:02, 30 Naýryz 2016
ASTANA. QazAqparat - Túrmede otyrǵan adamdardyń sany azaıǵandyqtan, Qazaqstan bıyl jeti túzetý mekemesin jabady. Bul týraly búgin QR Prezıdenti janyndaǵy Ortalyq kommýnıkatsııalar qyzmeti alańynda ótip jatqan Jańǵyrtý jónindegi ulttyq komıssııa músheleriniń baspasóz máslıhatynda QR Prezıdent Əkimshiligi jetekshisiniń orynbasary Marat Beketaev məlim etti.
«2013 jyldan beri sanaǵanda, túrmedegi adamdardyń sany 21 paıyzǵa azaıǵan. Túrmede otyrǵan adamdardyń sany azaıǵandyqtan, bıyl jeti túzetý mekemesin jabý josparlanyp otyr. Al, osylaısha únemdelgen bıýdjet qarajaty men shtat qyzmetkerlerin probatsııa qyzmetin damytýǵa jəne ilki joba retinde elektrondy brasletter engizý jobasyn bastaýǵa jumsaý kózdelip otyr», - dep habarlady M.Beketaev.
M.Beketaevtyń habarlaýynsha, qazir «qylmystyq tərtip buzýshylyqtar kartasy» atty joba júzege asyrylýda. Qazirdiń ózinde halyq Astana, Almaty, oblys ortalyqtary men 21 monoqalada jasalǵan qylmystar týraly aqparat ala alady.