Bıyl Qazaqstanda stýdentterge arnalǵan 6 jataqhana salyndy
14:33, 25 Qyrkúıek 2022
ASTANA. QazAqparat – Ǵylym jáne joǵary bilim mınıstrligi stýdentterdi jataqhana oryndarymen qamtamasyz etý jaǵdaıyna qatysty túsinik berdi, dep habarlaıdy QazAqparat tilshisi.
«Respýblıkanyń 104 joǵary oqý ornyndaǵy jataqhana sany 309-ǵa jetip otyr. Bul jataqhanalardaǵy oryn sany – 101 522. Onyń ishinde 15 324 orny bar 100 jataqhana jalǵa alynǵan. 6 qyrkúıektegi jaǵdaı boıynsha 87 myńnan astam adam ýnıversıtet jataqhanalaryna ornalasty», - delingen mınıstrliktiń QazAqparat agenttigine bergen málimetinde.
Vedomstvo aqparatyna qaraǵanda, stýdent jastardyń jaǵdaıyn jaqsartý maqsatynda 2018 jyldan bastap jańa jataqhanalar salý jumystary júrgizilip jatyr.
Bul bastama júzege asyrý bastalǵannan beri joǵary oqý oryndarynda 20 761 orynǵa eseptelgen 93 nysan paıdalanýǵa berildi. Sonyń arasynda 2022 jyly 1 470 orynǵa arnalǵan 6 nysan tapsyryldy.