Bıyl Qazaqstanda paıdalanýǵa beriletin baspana kólemi qandaı
12:16, 11 Tamyz 2021
NUR-SULTAN. QazAqparat – Bıyl elimizde 17 mln sharshy metr turǵyn úı paıdalanýǵa berilmek. Bul týraly Úkimet otyrysynda jeti aıdaǵy áleýmettik-ekonomıkalyq damýdy talqylaý kezinde QR Indýstrııa jáne ınfraqurylymdyq damý mınıstrliginiń birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.
«Qurylys salasynda naqty kólem ındeksi 2021 jyldyń 7 aıynyń qorytyndysynda 111,1 paıyz boldy. Barlyq óńirde oń dınamıka baıqalady. Turǵyn úı qurylysy boıynsha aǵymdaǵy jyldyń qańtar-shilde aılarynda 7,7 mln sharshy metr turǵyn úı paıdalanýǵa berildi. Bul 2020 jyldyń sáıkes kezeńimen salystyrǵanda 110,3 paıyz», - dedi Q. Óskenbaev.
Onyń aıtýynsha, el boıynsha barlyǵy 66 014 baspana paıdalanýǵa berildi. Ótken jylmen salystyrǵanda turǵyn úıdi paıdalanýǵa berý kólemi barlyq óńirde artty.
«Jalpy bıyl elimizde 17 mln sharshy metr turǵyn úıdi iske qosý josparlanǵan», - dedi birinshi vıtse-mınıstr.