Bıyl Qazaqstanda qansha mektep salynady

NUR-SULTAN. QazAqparat – QR Premer-Mınıstri Asqar Mamın mektepterde oryn jetispeýshiligi problemasyn sheshý, bilim sapasyn jaqsartý úshin qandaı jumys júrgizilip jatqanyn aıtty, dep habarlaıdy QazAqparat tilshisi.

BAQ ókilderimen kezdesý barysynda Asqar Mamın bul máselede elimizde oryn alyp jatqan demografııalyq protsesterge jiti nazar aýdarý qajettigin basa atap ótti.

«ıAǵnı, sońǵy 10 jylda týý kórsetkishi 2 esege artyp otyr. Soǵan oraı oqýshy oryndarynyń sany múldem basqasha qalyptasqan. Osyǵan baılanysty bizge 5 jyldyń ishinde 1 myń mektep, jyl saıyn 200 mektep salý qajet», - dedi Úkimet basshysy.

Premer-Mınıstrdiń atap ótýinshe, elimizdiń bilim salasy ınvestıtsııalyq turǵyda tartymdy bola túsýde.

«Bıyl 160 jekemenshik mektep salynady. ıAǵnı, búginde jeke kapıtal kelip jatyr jáne bilim berý jobalaryn qarjylandyrýda. Olar óz ınvestıtsııalaryn jan basyna qarjylandyrý arqyly qaıtaryp alady. Osyndaı qarjylyq modeldi qalyptastyrý tıimdi bola túsýde. Mundaı kóptegen model bar. Bıyl biz shamamen 300 mektepti paıdalanýǵa beremiz. Aldymyzda turǵan 5 jyldyń ishinde myń mektep salý mindetin oryndaımyz dep oılaımyn», - dedi ol.

Osy oraıda Asqar Mamın bilim sapasyn da esten shyǵarmaý qajettigine basa nazar aýdartty.