Bıyl Qazaqstanda elektr energııasyna tarıf 18 paıyzǵa deıin tómendedi

NUR-SULTAN. QazAqparat - Qazaqstanda elektr energııasyna tarıfter 18 paıyzǵa deıin tómendedi. Bul týraly QR Ulttyq ekonomıka mınıstrligi málim etti, dep habarlaıdy QazAqparat tilshisi.

Ulttyq ekonomıka vıtse-mınıstri Ermek Alpysovtyń aıtýynsha, elektr energııasyna tarıf quny 1-den 18 paıyzǵa deıin tómendedi.

«Óńirlerde elektr energııasymen qamtamasyz etý boıynsha 2019 jylǵa tarıfter 1-den 18 paıyzǵa deıin, ıaǵnı túpikilikti tutynýshy úshin arzandady. Bul óz kezeginde birneshe faktorlarǵa baılanysty», - dedi E. Alpysov Májiliste ótken Úkimet saǵatynda depýtattardyń saýalyna jaýap bere otyryp.

Sonymen qatar vedomstvo ókili qazirgi tarıfter deńgeıin 2020 jylǵa deıin saqtaý eskerilgenin atap ótti.

QR Energetıka mınıstri Qanat Bozymbaevtyń sózine qaraǵanda, elektr energııasyna tarıfterdiń obektıvti deńgeıin belgileý boıynsha tıisti jumystar atqaryldy.

Budan buryn habarlanǵandaı, Májilistegi Úkimet saǵatynda mınıstr elektr energetıkasynyń qazirgi jaǵdaıy týraly aıtyp berdi.

Sonymen qatar ol jyl sońyna deıin jańartylatyn energııa kózderiniń 10 nysany paıdalanýǵa beriletinin málim etti.