Bıyl Qazaqstanda apatqa ushyraǵan 25 myń kóliktiń 900-den astamy avtobýstarǵa tıesili

ASTANA. QazAqparat - Bıylǵy 10 aıda eldi mekenderde 13 248, halyqaralyq, respýblıkalyq mańyzy bar joldarda - 1 449, oblystyq, aýdandyq mańyzy bar joldarda 836 jol-kólik oqıǵalary tirkeldi.

«Eń qaýipti Almaty qalasynyń joldary bolyp otyr, onda adamdardyń opat bolýyna jáne jaraqat alýyna alyp kelgen 4 709 JKO boldy, sondaı-aq Ońtústik Qazaqstanda - 2 836, Almatyda - 1 446, Shyǵys Qazaqstanda - 1 194 jáne Jambyl oblysynda - 1 049 JKO oryn aldy», - delingen QR Bas prokýratýrasy Quqyqtyq statıstıka jáne arnaıy esepke alý jónindegi komıtettiń málimetinde.

Atalǵan oqıǵalarda 25 398 kólik quraldary bolǵan, onyń ishinde 22 746-sy jeńil avtokólikter, 1 061-i oń rýldi avtokólikter, 947-si avtobýstar men 741-i júk kólikteri.

Aýa raıy derekteri qurǵaq jol jabynynda 12110, sýly jolda 1564 jáne qar basqan jolda 770 jol-kólik oqıǵalary bolǵandyǵyn kórsetedi.

Atap aıtqanda, burynǵysha JKO kóbinese jol júrgizý erejelerin óreskel buzatyn júrgizýshilerdiń kinásinen (15 226) bolǵan.

Aldyńǵy jylmen salystyrǵanda JKO sany 13,4 paıyzǵa, ondaǵy qaza bolǵan adamdardyń sany 15,2 paıyzǵa tómendegenin atap ótý qajet.

Aıta keteıik, 2014 jyldyń 10 aıynda elimizde 16 729 jol-kólik oqıǵasy tirkelip, onyń saldarynan 2 126 adam qaza boldy.