​​Bıyl Qazaqstanda 85,2 mln shabaq qutqaryldy

NUR-SULTAN. QazAqparat - Jyl basynan beri Qazaqstandaǵy sý aıdyndarynda 85,2 mln shabaq qutqaryldy, dep habarlaıdy QazAqparat Ekologııa, geologııa jáne tabıǵı resýrstar mınıstrligine silteme jasap.

Orman sharýashylyǵy jáne janýarlar dúnıesi komıtetiniń málimetinshe, 2020 jyldyń basynan bastap sý qoımalarynan, sondaı-aq elimizdiń kúrish alqaptarynan qyrylý qaýpi bar 85,2 mln shabaqty qutqaryldy. Bul jumysqa balyq sharýashylyǵy, kúrish ósiretin uıymdardyń ókilderi jáne eriktiler qatysty. Nátıjesinde Atyraý oblysynda 56,7 mln balyq, Túrkistan oblysynda – 10,3 mln, Qyzylorda oblysynda – 8,3 mln, basqa óńirlerde – 9,9 mln shabaq qutqaryldy.
Qutqarylǵan balyqtyń ishinde sazan, aqmarqa, móńke, qarǵa, qumaı, osman, kókserke, alabuǵa, shortan, tuqy, taban, torta, ońǵaq bar.
Balyq resýrsyn saqtaý boıynsha is-sharalardy ótkizýge 851 adam jáne 153 tehnıka jumyldyryldy.
Ihtıologtardyń málimetteri boıynsha Qazaqstanda balyqtyń 100-den astam túri mekendeıdi. Olardyń 70-i ónerkásiptik qundylyqqa ıe, 18 túri Qazaqstannyń Qyzyl kitabyna engizilgen.