Bıyl «Qazaqstan barysy» týrnırinde kimder baq synaıdy
«2 shilde kúni «Barys Arena» sport saraıynda saǵat 12.00-de bastalady. Týrnırge elimizdiń ár óńirinen 41 palýan qatysady. Olardyń qatarynda Rýslan Ábdirazaqov, Nurdáýlet Jarylǵapov, Erasyl Qajybaev, Ǵalymjan Qyryqbaı, Maqsat Isaǵabylov jáne taǵy basqa tanymal palýandar qatysady dep josparlanǵan. Aıtýly alaman dodanyń bıletterin zakazbiletov.kz saıtynan satyp alýǵa bolady», - dedi Astana qalasy dene shynyqtyrý jáne sport basqarmasy basshysynyń orynbasary Erkeǵalı Kárbozov qalalyq ortalyq kommýnıkatsııalar qyzmeti alańynda ótken baspasóz máslıhatynda.
Uıymdastyrýshylardyń málimetinshe, aıtýly jarysqa óńirlerde irikteý kezeńderinen ótip, fınalǵa joldama alǵan myqtylar qatysady. Ár óńirden absolıýtti salmaq dárejesindegi eki sportshydan óner kórsetedi.
Aıta keteıik, «Qazaqstan barysy» respýblıkalyq týrnıri qazaq kúresin damytý maqsatynda dástúrli túrde ótkizilip keledi.
Buǵan deıin elorda kúnine oraı ótetin is-sharalar tizimin usynǵan edik. Bıyl Astana kúni bir aıy boıy toılanbaq, mereke aıasynda 100-den astam mádenı, sporttyq jáne tanymdyq is-shara ótedi dep josparlanyp otyr.