Bıyl Kaspıı qubyry konsortsıýmy Qashaǵannyń qansha munaıy ótkiziletinin naqtylady

ASTANA. QazAqparat - Bıyl Kaspıı qubyry konsortsıýmy 67 mln tonna munaıdy ótkizý josparlap otyr. Bul týraly Astanadaǵy baspasóz máslıhatynda Kaspıı qubyry konsortsıýmy bas dırektory Nıkolaı Gorban málim etti, dep habarlaıdy QazAqparat.

«2018 jyly konsortsıým óziniń qubyr júıesi arqyly 67 mln tonna munaı ótkizýdi josparlap otyr. Onyń ishinde 60 mln tonnaǵa jýyǵy Qazaqstanda óndirilse, qalǵan 7 mln tonnany reseılik óndirýshilerden alýdy kózdep otyrmyz. Qashaǵannan qabyldanatyn munaı kólemin eki esege arttyrý qarastyrylǵan, ıaǵnı bul kórsetkish 13 mln tonnaǵa deıin jetpek. Ótken jyly biz 7,4 mln tonna qabyldaǵan edik», - dep toqtaldy ol.

Osy oraıda N. Gorban Qazaqstan boıynsha atalǵan 60 mln tonna munaı qalaı jınalatynyn túsindirdi. Qashaǵan - 13 mln tonna, Qarashyǵanaq - 12 mln shamasynda, Teńiz - 28 mln tonnaǵa jýyq, sondaı-aq 7 mln tonna basqa da ken oryndarynan jınaqtalady.