Bıyl kásipkerlikti damytý jónindegi ulttyq joba aıasynda qandaı nátıje bolady

NUR-SULTAN. QazAqparat – Búgin Úkimet otyrysynda Ulttyq ekonomıka mınıstri Álibek Qýantyrov kásipkerlikti damytý jónindegi ulttyq joba aıasynda 2022 jylǵy nátıjelerdi aıtty, dep habarlaıdy QazAqparat tilshisi.

«Bıylǵy 8 aıda Ulttyq jobanyń negizgi kórsetkishteri oń serpin kórsetip otyr. Memlekettik qoldaý sharalaryn arttyrý, sondaı-aq shaǵyn jáne orta kásipkerlik sýbektilerin barynsha qamtý maqsatynda osy jyldyń basynan bastap nesıe somasy 7 mlrd teńgeden 3 mlrd teńgege deıin tómendetildi. Bul óz kezeginde josparlanǵan 4 239 jobanyń ornyna shamamen 16,8 myń jobany sýbsıdııalaýǵa jáne kepildendirýge múmkindik berdi», - dedi Á. Qýantyrov.

Onyń aıtýnysha, kórsetiletin qyzmetter men óńdeý ónerkásibi salalaryndaǵy jańa bıznes-ıdeıalardy iske asyrý úshin 399 jobaǵa grant berildi. «Bastaý Bıznes» jobasy aıasynda kásipkerlikke jospar boıynsha 30 myń adamnyń ornyna 75,1 myń adam oqytyldy.

«Shamamen 12 myń shaǵyn jáne orta kásipkerlik sýbektisi bıznesti ashý jáne júrgizý, sondaı-aq memlekettik qoldaý boıynsha konsýltatsııalyq kórsetiletin qyzmetter aldy. Kásipkerlik sýbektileri usynatyn 435 aqparattyq quralǵa tekserý júrgizildi» , - dedi mınıstr.

Ulttyq joba aıasynda bıyl eldiń jalpy ishki ónimdegi shaǵyn jáne orta kásipkerliktiń úlesi 33,8 paıyzǵa deıin jetýi múmkin. Sonymen qatar 175 myń jańa jumys ornyn qurý eskerilgen.