Bıyl Qashaǵan ken ornynan 1,5-ten 3 mln. tonnaǵa deıin munaı óndirý josparlanýda
Onyń aıtýynsha, mundaı kólemdegi munaıdy shetelge shyǵarý úshin barlyq ınfraqurylym bar kórinedi.
Sondaı-aq, L. Qıynov Qazaqstannyń «Qashaǵandaǵy» úlesin ulǵaıtpaıtyndyǵyn atap ótti.
«Biz úshin qazirgi qolda bar 16,8 paıyz úlesimiz jetkilikti. Biz onda negizgi kúshke aınalǵymyz kelmeıdi, seriktesterimiz bar, sol seriktestermen jumys jasaýdy qalaımyz», dep atap ótti ol. Onyń aıtýynsha, «Qashaǵan» qıyn jerde ornalasqan ken orny. Ony ıgerý úshin josparlanǵannan kóbirek qarajat jumsalǵan.
«Qazir barlyq kúsh-jigerimiz osy ken ornyn iske qosýǵa jumsalýda. Jáne de osydan birneshe jyl buryn qabyldanǵan qujattar sheńberinde qımyldaýdamyz. Bul ken ornynan munaı alý óte qıyn bolǵandyqtan, kóbine qaýipsizdik sharalaryna nazar aýdarylyp otyr. Sondyqtan aldymen belgili bir ýchaskede tájirıbelik-óndiristik jumystar júrgizilý kerek dep sheshilgen», - dedi L. Qıynov.