Bıyl kartop eksporttaýǵa tolyq múmkindigimiz bar – Erbol Qarashókeev

NUR-SULTAN. QazAqparat – Bıyl Qazaqstannyń kartop eksporttaýǵa múmkindigi bar. Bul jaıynda QR Aýyl sharýashylyǵy mınıstri Erbol Qarashókeev málim etti, dep habarlaıdy QazAqparat tilshisi.

«Kartoptyń ishki naryqtaǵy aılyq qajettiligi - 152,7 myń tonna. Ákimdikterdiń aqparaty boıynsha, búgingi tańda kartop qory 124,9 myń tonna bolady. Maýsym aıynan bastap erte pisetin kartop jınalyp jatyr. Onyń jalpy kólemi 270,9 myń tonnaǵa jetti. Tamyzdyń birinshi jartysynda 7,8 myń tonna jınaý josparlanǵan. Bul ishki naryqty molyqtyrýǵa jáne kartop baǵasynyń turaqtanýyna yqpal etkenin aıta ketkim keledi. Osy aıdyń basynan beri kartoptyń baǵasy 5% tómendedi. Qyrkúıekten bastap kúzgi kartopty jınaý bastalady, onyń kólemi 4 mln tonnadan asady. Bul ishki naryqtyń qajettiligin tolyq qamtamasyz etedi jáne belgili bir kólemdi eksportqa jóneltýge múmkindik beredi», - dedi mınıstr ortalyq kommýnıkatsııalar qyzmetinde ótken brıfıngide.

Onyń málimeti boıynsha, qyryqqabat pen sábiz naryǵynda jaǵdaı turaqty.

«Erte pisetin qyryqqabat pen sábiz kólemi kúzgi egin jınaǵanǵa deıin ishki naryqty qamtamasyz etýge jetkilikti. Tamyzdyń sońǵy onkúndiginen bastap kókónis ónimderiniń kúzgi ónimi naryqqa shyǵady dep kútilýde», - dedi vedomstvo basshysy.

Sondaı-aq, ol bıylǵy bıdaı shyǵymyna boljamyn aıtty.