Bıyl «Qaraǵandy-Balqash» jáne «Balqash-Býrylbaıtal» ýchaskeleri ashylady
QR Indýstrııa jáne jáne ınfraqurylymdyq damý mınıstrliginiń Telegram paraqshasyndaǵy aqparatqa sáıkes, Qaraǵandy oblysynda uzyndyǵy 575 shaqyrymdy quraıtyn respýblıkalyq mańyzǵa ıe M-36 «RF shekarasy (Ekaterınbýrg)-Almaty» joly 2021 jyly paıdalanýǵa beriletin bolady. Búgingi tańda joldyń eki ýchaskesinde qozǵalys ashyq.
Qazirgi tańda «SP «SıneMıdasStroı» JShS, «Daýlet-Dorstroı» JShS, «SP QazGerStroı» JShS, CITICConstructionCo.Ltd, SinohydroCorporationLimited, JVKolinInsaatTurizmSanayiveTicaretA.S., Shanghai Construction Group Co. Ltd. kompanııalary qurylys jumystaryn bastady. Jumystardyń sapasyn «QurylysSapasy» JShS, «JolJobaKZ» JShS, «ARSnabıK» JShS, «StroıServısGarant» JShS, IsanCorporation JShS «ZSENGINEERING» jáne «Zertec» JShS sıqty tehnıkalyq baqylaý qyzmetteri júzege asyrady.
«Qaıta jańartý jobasy aıasynda 15 kópir, 17 jol aıryǵy, 40 jol ótkeli, 470 sý ótkizgish qubyr, demalys alańdary men eldi mekenderdiń mańynda ornalasatyn avtopavılondar salynbaq. Qazirgi ýaqytta 23 mln tekshe metr jer qazý jumystary júzege asyryldy. Sý ótkizgish qubyrlardyń 60 paıyzy ornatylǵan. Sonymen qatar, 63 shaqyrymda jol jabynynyń joǵarǵy qabaty, 70 shaqyrymda joldyń tómengi qabaty jáne 75 shaqyrymda joldyń qıyrshyq tas qabaty tóseldi. Jospar boıynsha, qaıta jańartý jumystaryna 2596 jol-qurylys tehnıkasy men 4500 maman jumyldyrylady», - dep atap ótedi mınıstrlikten.