Bıyl IYU memleketteriniń azyq-túlik qaýipsizdigi qorynyń keńsesi óz jumysyn bastaıdy - Asyljan Mamytbekov
Qazaqstan IYU múshe-memleketteriniń azyq-túlik qaýipsizdigi qoryn qurý bastamasyn kótergenin, bul bastamaǵa birqatar elder qol qoıǵanyn eske salyp ótken mınıstr, «bıyl Astanada bul qordyń keńsesiniń jumysy bastalady dep kútilýde. Onyń negizi azyq-túliktiń óńirlik qorlaryn qurýǵa arnalǵan. Bul óz kezeginde ónimdi tutynatyn jáne aýyl sharýashylyǵy ónimderin shyǵaratyn memleketter úshin de tıimdi», - dedi A. Mamytbekov.
«Qazaqstan aýyl sharýashylyǵy ónimderiniń eksportyn arttyra túsýge múddeli. Bul turǵyda elimiz óziniń ónimin turaqty túrde ótkizý baǵyttaryn keńeıtýge tyrysýda. Alaıda, biz mol ónimdi ótkize almaıtyn jaǵdaılar oryn alyp jatady. Al bizdiń ónimge muqtaj kóptegen elder bar», - dedi mınıstr.
Onyń sózinshe, BUU Azyq-túlik jáne aýyl sharýashylyǵy uıymynyń sońǵy málimetteri boıynsha, álemde asharshylyq jaǵdaıynyń qysqarýy jalǵasýda. Biraq ta 2012 jyldaǵy jáne 2014 jyldaǵy derekterge qaraǵanda, tamaqtyń jetispeýiniń taýqymetin álemde 800 mln. adam sezindi.
Esterińizge sala keteıik, IYU keńistiginde Azyq-túliktik qaýipsizdik júıesin qurý týraly bastama Qazaqstan Respýblıkasy Prezıdenti N.Á. Nazarbaevpen IYU múshe- memleketteri syrtqy ister mınıstrleriniń 38-sessııasynda Astanada usynylǵan. Bul usynys Qazaqstannyń álemdiń turaqty damýyn qamtamasyz etý boıynsha dáıekti baǵytynan týyndaıdy, óıtkeni azyq-túliktik qaýipsizdik onyń basty sharttarynyń biri bolyp sanalady. Osy másele barlyq damyǵan ekonomıkasy bar memleketter úshin de, kedeı elder úshin de ózekti bolyp otyr.