Bıyl ınvataksı qyzmetine 3,5 mlrd teńge bólinedi

ASTANA. QazAqparat – Bıyl múgedektigi bar adamdarǵa arnalǵan ınvataksı qyzmetine jergilikti bıýdjetterden 3,5 mlrd teńge bólinedi, dep habarlaıdy QazAqparat.

Bul jaıynda Úkimet basshysy Álıhan Smaıylov Senat depýtattarynyń saýalyna joldaǵan jaýabynda aıtady.

«2022 jyly múgedektigi bar 19 myńnan astam adamǵa ınvataksı qyzmeti kórsetildi. Onyń ishinde 6 myńnan astamy kreslo-arbamen júredi.

2023 jylǵa ınvataksı qyzmetterin kórsetý úshin jergilikti bıýdjet qarajatynan 3 503,6 mln teńge (2022 jyly – 2 735,0 mln teńge) kózdelgen», - dep jazady Premer-Mınıstr.

Álıhan Smaıylov atalmysh qyzmet túrin negizinen jergilikti ákimdikter retteıtinin eske salady.

«Qaǵıdalarǵa sáıkes jergilikti bıýdjettiń múmkindikterin eskere otyryp, jergilikti atqarýshy organdardyń sheshimi boıynsha ınvataksı qyzmetterin alýshylar sanatyn jáne ınvataksı qyzmetterin usynýatyn obektiler men mejeli pýnktter tizbesin keńeıtýge jol beriledi. Bul rette, jergilikti atqarýshy organdar ınvataksı tasymaldaryna qajettilikti eskere otyryp, ónim berýshimen shart jasasý kezinde jumys rejımin belgileı alady», - delingen jaýapta.