Bıyl ındýstrııalandyrý kartasy aıasynda 10 myńnan astam jumys orny ashylady

NUR-SULTAN. QazAqparat - Bıyl Indýstrııalandyrý kartasy aıasynda 10 myńnan astam jańa turaqty jumys orny ashylady, dep habarlaıdy QazAqparat.

2022 jyly elimizdiń óńirlerinde jalpy quny 1,4 trln teńgeni quraıtyn 90 jobany iske qosý josparlanyp otyr. Óndiris oshaqtarynda 10,8 myń turaqty jumys orny qurylady.

Jobalardy mynadaı salalarda iske asyrý josparlanǵan:

- tamaq ónerkásibi – 20 joba;

- qurylys ındýstrııasy – 13 joba;

- hımııa ónerkásibi - 7 joba;

- metallýrgııa - 11 joba;

- munaı óńdeý - 5 joba;

- farmatsevtıka - 5 joba;

- mashına jasaý - 15 joba;

- jeńil ónerkásip - 7 joba;

- aǵash óńdeý - 4 joba;

- basqa salalar - 3 joba.

Jobalardyń basym bóligi Aqmola oblysy, Qostanaı oblysy, Jambyl oblysy, sondaı-aq Shymkent jáne Nur-Sultan qalalarynda iske qosylmaq.

Negizgi jobalar:

- «Kazakhstan Petrochemical Industries Inc.» JShS Atyraý oblysyndaǵy gaz-hımııa kesheni. Integratsııalanǵan gaz-hımııa kesheni jylyna 629 myń tonna propan óńdep, 500 myń tonna polıpropılen shyǵaratyn bolady.

- «KazAlPack» JShS Shymkenttegi alıýmınıı bankilerin óndiretin zaýyt. Atalmysh joba «Qarapaıym zattar ekonomıkasy» baǵdarlamasy aıasynda júzege asyrylýda, onyń negizgi maqsaty – ishki naryqty jergilikti óndiris taýarlarymen qamtamasyz etý. Jańa zaýyt sýsyndardy quıýǵa arnalǵan ártúrli kólemdegi ońaı jabylatyn qaqpaqtary bar alıýmınıı qutylardy shyǵarady. Kásiporynnyń óndiristik qýaty - jylyna 500 mln quty.

- «KamaTyresKZ» JShS shına óndirý zaýyty. Saran qalasynda ornalasqan zaýyt jeńil, jeńil júk jáne júk shınalaryn shyǵarady. Zaýyttyń óndiristik qýaty jylyna 3,5 mln shınany quraıdy. Qazaqstandaǵy zaýyt zamanaýı, aldyńǵy qatarly jabdyqtarmen jabdyqtalǵan, osylaısha sapaly ári qoljetimdi shınalar shyǵarý kózdelip otyr. Taýarlardyń túrleri aımaqtyq qajettilikterdi eskere otyryp anyqtalady.

- «Standard Petroleum & Co» JShS Túrkistan oblysynda munaı óńdeý zaýytynyń qurylysy. Zaýyttyń qýaty - jylyna 1 mln tonna ónim.

- «Altyn Shyghys» JShS Shyǵys Qazaqstan oblysynda maı ekstraktsııalyq zaýytyn salý. Atalmysh kombınat óńirdegi aýqymdy ınvestıtsııalyq jobalardyń biri bolyp tabylady. Onyń qýaty - jylyna 300 myń tonna daıyn ónim. Al, jobanyń quny 28 mlrd teńgeni quraıdy.