Bıyl ıisshil ıtter 4 myńnan astam qylmysty ashýǵa kómektesken

ALMATY. QazAqparat - Iisshil ıtter - quqyq qorǵaý organdary qyzmetkerleriniń taptyrmas kómekshisi. Bul týraly óńirlik kommýnıkatsııalar qyzmetiniń alańynda QR ІІM Kınologııa ortalyǵynyń bastyǵy Nusqabek Zaýlanbaev málimdedi, dep habarlaıdy QazAqparat tilshisi.

Nusqabek Zaýlanbaev atap ótkendeı, qylmysty ashýda polıtseı ıttiń róli kún saıyn artyp keledi.

Máselen, Qazaqstanda 8 aıda ıtterdiń qatysýymen 4292 qylmys ashylǵan, onyń 618 - esirtki qylmysy, 355 keli esirtki zaty (onyń ishinde 6 keli 130 gramm sıntetıka) tárkilendi.

Kınologııa ortalyǵynyń bastyǵy tamyz aıynda Almaty oblysynda ótip jatqan «Qarasora» jedel aldyn alý sharasynda polıtseı ıttiń arqasynda 290 gramm geroın anyqtalyp, tárkilengenin mysalǵa keltirdi.

«Kınologııa ortalyǵynda ıtterdi qyzmet etýge daıyndap qana qoımaı, kınolog-mamandardy da oqytady. Túrksib aýdanynda ornalasqan ortalyqta ıtterdi sapaly daıarlaýǵa barlyq jaǵdaı men múmkindik bar. Jaqsy materıaldyq-tehnıkalyq baza jasaldy, munda belgııalyq, nemis jáne shyǵys eýropalyq malshy ıtter bar. Jyl saıyn elimizdiń óńirlerine qylmyspen kúres jáne qoǵamdyq tártipti qorǵaý júzege asyrylatyn 50-ge jýyq ıisshil ıt beriledi. Sonymen qatar, oqytý kýrsynan 150-den astam kınolog pen sonsha ıt ótip jatyr», - dedi Nusqabek Zaýlanbaev.

Foto: polisia.kz