Bıyl farmatsevtıka salasynda ósim boldy - UEM

NUR-SULTAN. QazAqparat – Óńdeý ónerkásibi salasynda joǵary ósim Qostanaı, Túrkistan, Soltústik Qazaqstan oblystarynda tirkeldi. Bul týraly Úkimet otyrysynda bıylǵy qańtar-shildeniń qorytyndylary boıynsha eldiń áleýmettik-ekonomıkalyq damý nátıjelerin talqylaý kezinde QR Ulttyq ekonomıka mınıstri Rýslan Dálenov málim etti, dep habarlaıdy QazAqparat tilshisi.

«Óńdeý ónerkásibi ozyq qarqynmen ósýde. Ósim 3,8 paıyzdy qurady. Bul ósim negizinen farmatsevtıkanyń 23,2 paıyzǵa, daıyn metall buıymdaryn óndirýdiń 18,6, mashına jasaýdyń 13,9, onyń ishinde avtomobıl jasaýdyń 45,1, jeńil ónerkásiptiń 7,3 paıyzǵa ósýimen qamtamasyz etildi», - dedi mınıstr.

Óńirler boıynsha joǵary ósim Qostanaı (18,9%-ke), Túrkistan (15,8%-ke), Soltústik Qazaqstan (8,8%-ke) oblystarynda baıqalady. 4 óńirde tómendeý tirkeldi. Bul Aqtóbe (-4,4%), Pavlodar (-0,8%) jáne Batys Qazaqstan (-0,1%) oblystarynda jáne Shymkent qalasynda (-1,1%).

Budan buryn habarlanǵandaı, búgin Úkimet otyrysynda 2020 jylǵy qańtar-shildeniń qorytyndylary boıynsha eldiń áleýmettik-ekonomıkalyq damý nátıjeleri qaralýda.