Bıyl elordalyq eriktiler 145 ardagerge tegin azyq-túlik sebetin taratty
«Jańa jyl qarsańynda «Ardagerlerdi ardaqtaıyq» jáne «Adresa zaboty» aktsııalaryn ótkizýdi jón kórdik. Bul aktsııany biz 3 jyl boıy turaqty uıymdastyryp kelemiz. Shara aıasynda eriktiler jalǵyz basty nemese qaraýsyz qalǵan qarııalarǵa azyq-túlik taratamyz jáne qystygúni aýla qaryn tazalaýǵa kómektemiz. Búgin biz 11 ardagerge azyq-túlik sebetin syıǵa tarttyq. Olardyń arasynda az qamtylǵan jáne tyl ardagerleri bar. Jáne búgingi sharaǵa 10 volonter qatysty. Jalpy bıyl 145 azyq-túlik sebeti az qamtylǵan, tyl ardagerleri jáne kópbalaly otbasylarǵa taratyldy», - dedi qalalyq ákimdikke qarasty «Astana jastary» memlekettik mekemesi Eriktiler qozǵalysyn damytý bóliminiń jetekshisi Elvıra Esmuqanova.
Onyń aıtýynsha, jalpy azyq-túlik taratý jumysyna 200-ge deıin volonter qatysqan.
«Bizde qalalyq ardagerler keńesi bar, olarmen tyǵyz baılanystamyz. ıAǵnı atalǵan keńes bizge kómekke muqtaj jandardyń tizimin beredi, biz óz kezegimizde qolushyn sozamyz. ıAǵnı bireýine azyq-túlik alyp bersek, ekinshisiniń aýlasyndaǵy qaryn tazalaımyz. Biz negizinen qar tazalaý jumysymen naýryz aıynda aınalysatynbyz. Degenmen bıyl qar qalyń túsip jatqandyqtan jumys kólemin azaıtý úshin osy bastan kiristik. Qar tazalaý jumysyna qys boıy 600-700 eriktini tartamyz», - dedi ol.
Bólim basshysynyń málimdeýinshe, bir kúnde eriktiler 2-den 10-ǵa deıingi úıdiń qaryn tazalaıdy.