Bıyl elordada UOS ardagerleri turatyn 80 páter jóndeýden ótedi
Búgingi kúni Astanada 228 ardager turyp jatyr, dep habarlaıdy astana.kz.
Astana qalasy ákiminiń orynbasary Ermek Amanshaev atap ótkendeı, qazirgi tańda UOS ardagerlerine qoǵamdyq kólikte tegin júrý, tis protezin salý, sanatorııalyq-kýrorttyq em alý, gazet-jýrnaldarǵa tegin jazylý, sýrdoaýdarmaǵa arnalǵan tıfloqondyrǵylar, kómirmen qamtý jáne kommýnaldyq tólemderdi qala bıýdjetinen tóleý sııaqty áleýmettik kómek kórsetilýde. Atalǵan qyzmet túrleri ardagerlerge Astana qalasynyń Jumyspen qamtý jáne áleýmettik baǵdarlamalar basqarmasy arqyly usynylady. Bıyl ardagerlerge tıesili 80 páterge jóndeý jumystaryn júrgizý qarastyrylǵan.
Sonymen qatar, Astanada ardagerlerge medıtsınalyq qyzmettiń barlyq túrin tegin kórsetetin №4 qalalyq polıklınıka men UOS ardagerleri men múgedekterine arnalǵan Respýblıkalyq klınıkalyq gospıtal jumys isteıdi.