Bıyl elordada 6 mln gúl otyrǵyzylady

NUR-SULTAN. QazAqparat - Bıyl «Astana-Zelenstroı» JShS 6 mln gúlzar otyrǵyzýdy josparlap otyr, dep habarlaıdy QazAqparat qala ákiminiń resmı saıtyna silteme jasap.

Kommýnaldyq qyzmet jumysshylary alańdardy, saıabaqtardy, tynymbaqtar men qala kóshelerin bezendirip, aýmaqtardy abattandyrmaqshy.

Qyzmetkerlerdiń aıtýynsha, olar gúl otyrǵyzý ýaqytyn asyǵa kútýde.

- Osy kásiporynda jumys istep jatqanyma 10 jyldan asty. Ózderińiz biletindeı, gúlder bizdiń qalany kórkeıtip qana qoımaı, turǵyndarymyzǵa oń áser etedi. Kóńil-kúıdi kóteretini anyq. Ásirese, bizdiń balalarymyzǵa qatty unaıdy. Bir sózben aıtqanda, gúlder bizdiń qalamyzdy qaıta túletedi. Elordamyz jyldan jylǵa kórkeıip keledi, - deıdi Jaınagúl Dáýletqyzy.

Kásiporyn dırektory atap ótkendeı, kommýnaldyq qyzmettiń jumysshylary elorda turǵyndaryn qýantýǵa daıyn. Elorda bir jyldyq jáne kópjyldyq gúldermen bezendiriledi.

- Bizdiń elordamyzdy kógaldandyrý baǵdarlamasy aıasynda «Astana-Zelenstroı» kásiporny aǵashtar men butalardy otyrǵyzý, gúlzarlar ornatý boıynsha zamanaýı tehnologııalardy engizý jumystaryn jalǵastyrýda. Bıyl 6 mln gúlzar otyrǵyzýdy josparlap otyrmyz. Qalada birqatar gúl kompozıtsııalary jasalyp, gúlderimiz elordanyń barlyq aýdandaryn bezendiriledi. Oǵan qosa, aǵashtardy otyrǵyzý boıynsha daıyndyq jumystary júrgizilýde - dep atap ótti kásiporyn dırektory Rýslan Oralov.

Sondaı-aq, basshynyń aıtýynsha, barlyq gúlzarlar otandyq agronom-ǵalymdardyń qatysýymen ósiriledi. Jasyl jelektiń barlyq tuqymdary zerthanalyq zertteýlerden ótedi.

Búgingi tańda «Astana-Zelenstroı» kásiporynda 600-ge jýyq adam jumys istep jatyr. Memleket basshysynyń tapsyrmasymen Jumyspen qamtýdyń jol kartasy aıasynda jańa jumys oryndardy ashý josparlanýda.

Osy kásiporynda jumys istegisi keletinder 87019099444, 87015134783, 87027486700, 87019336467, 87011208002 telefondaryna habarlasa alady.