Bıyl elordada 12 mektep salynady
«Qala turǵyndarynyń ósýine baılanysty áleýmettik nysandarǵa túsetin júkteme artyp keledi. Bilim nysandary ásirese halyq kóp shoǵyrlanǵan eldi-mekenderde salynyp jatyr. Búgin birqatar oqý nysandarynyń qurylys barysymen tanystym. Qazirgi №60 mektep-lıtseı aýmaǵynda (Kýbrın kóshesi 21/1) taǵy bir mektep salyp jatyrmyz. Mektep aýmaǵyn keńeıtemiz. Bul mekteptiń júktemesin azaıtyp, jańa oqý oryndaryn qurýǵa múmkindik beredi. Bıyl osy mektepti paıdalanýǵa beremiz. Abattandyrý jumystaryna nazar aýdarý qajet. Byltyrmen salystyrǵanda bıy eki ese kóp mektep salamyz. Bıyl salynatyn mektep sany - 12. Kelesi jyldarǵa da daıyndyqty esten shyǵarmadyq. Uly Dala men №39 kóshe qıylysynda ornalasqan bilim ordasy 1 200 oqýshyǵa eseptelgen (eki aýysymda – 2 400). 2021 jyly paıdalanýǵa beriledi. Mektep qurylysyna jeke ınvestordyń qarajaty jumsalady»,-dep jazdy Altaı Kólginov Instagram -daǵy paraqshasynda.