Bıyl elorda mańyndaǵy eldi mekenderde órt sóndirý depolary ashylady

ASTANA. QazAqparat – Bıyl elorda mańaıynda ornalasqan eldi mekenderde mektep, dene shynyqtyrý-saýyqtyrý keshenderi jáne eki órt sóndirý deposy ashylady. Bul týraly Ortalyq kommýnıkatsııalar qyzmetinde ótken brıfıngide Astana ákimi Jeńis Qasymbek málim etti, dep habarlaıdy QazAqparat tilshisi.

«Astanada 16 eldi meken bar. Onda halyqtyń tórtten biri turady. Biz árbir eldi mekendi aralap, jergilikti turǵyndarmen turaqty kezdesemiz. Eldi mekenderdiń qajettilikterine jáne turǵyndardan kelip túsetin máselelerge súıene otyryp, damý josparyn ázirleımiz. Negizgi másele – ınjenerlik jeliler. Mysaly, bıyl eldi mekenderde 13 shaqyrym káriz jelisi, 27,5 shaqyrym sýmen jabdyqtaý jelisi, 20 shaqyrym elektrmen jabdyqtaý, 5 shaqyrym nóser kárizi, 2 káriz-sorǵy stantsııasy, 7,4 shaqyrym gazben jabdyqtaý jelisiniń qurylysyn aıaqtaýdy josparlap otyrmyz», - dedi elorda ákimi.

Sondaı-aq Jeńis Qasymbek jyl sońyna deıin Temirjolshylar jáne Úrker eldi mekenderinde dene shynyqtyrý-saýyqtyrý keshenderin ashý, Kóktal men Úrkerde 2 órt sóndirý deposynyń, Kırpıchnyı men Internatsıonalnyı eldi mekeninde mektep qurylysyn aıaqtaý josparlanyp otyrǵanyn atap ótti.