Bıyl elimizdiń barlyq oblys ortalyǵynda tsıfrlyq HQO ashylady
«Elektrondy úkimet» pen memlekettik qyzmet salasynda mynany atap ótken oryndy: 2017 jyly «Elektrondy úkimet» portaly arqyly 34 mıllıonnan astam qyzmet kórsetildi. «E-lıtsenzııalaý» aqparattyq júıesi arqyly mıllıonǵa jýyq lıtsenzııa men ruqsat qujaty berildi. 2012 jyldan beri «e-gov» portaly arqyly shamamen 135 myń kompanııa ashyldy. Portaldy paıdalanýdy arttyra túsý úshin tsıfrlyq qoltańbany qoldanýdy barynsha tómendetýdemiz. Búginde birrettik qupııa kiltsózben alýǵa bolatyn 44 qyzmet bar. Qazirgi ýaqytta «Azamattarǵa arnalǵan úkimet» memlekettik korporatsııasy barlyq memlekettik qyzmetterdiń 83 paıyzdan astamyn kórsetedi. Ótken jyly ol 38 mıllıon qyzmet kórsetti», - dedi mınıstr.
Onyń aıtynsha, aǵymdaǵy jyly Oralda arnaıy halyqqa qyzmet kórsetý ortalyǵy ashylsa, dál osyndaı ortalyq jyldyń sońyna deıin Atyraýda da qala turǵyndaryna qyzmet kórsetetin bolady. Munan bólek, Astana, Almaty jáne Shymkent qalalarynda tsıfrlyq HQO ashyldy. Al jyldyń sońyna deıin mundaı ortalyqtar elimizdiń barlyq oblys ortalyqtarynda bolady. Atalǵan ortalyqta ornatylǵan kompıýterler arqyly azamattar barlyq qyzmetterdi ala alady.
«Іshki ister mınıstrligimen Astanada ilki rejimde Kóshi-qon HQO ashtyq. Jyldyń sońyna deıin kóshi-qon legi joǵary Almaty men Atyraýda da bir-bir HQO ashý josparlanǵan. Buǵan deıin sheteldikter memleketik qyzmetterdi 3-4, tipti odan da kóp kúnniń ishinde alatyn bolsa, endigi ýaqytta bir jerden birneshe saǵattyń ishinde qajetti barlyq anyqtamany alady», - dedi Dáýren Abaev.