Bıyl elimizden 7,3 mlrd tekshe metr gaz eksporttalady
«Aǵymdaǵy jyldyń 9 aıynda elimizde 31,3 mlrd tekshe metr gaz óndirilip, byltyrǵy jyldyń osy kezeńimen salystyrǵanda kórsetkish 1,2 paıyzǵa artty. Bul rette gazdyń eksporty 5,3 mlrd tekshe metrdi qurady. Sonymen qatar, aǵymdaǵy jyly Qazaqstanda 41 mlrd tekshe metr gaz óndirý josparlanyp otyr, bul rette eksport 7,3 mlrd tekshe metrge jetpek», - deıdi V. Shkolnık.
Onyń aıtýynsha, gaz tasymaldaý júıesi boıynsha 9 aıda Qazaqstan aýmaǵynan halyqaralyq gaz tranzıti 70 mlrd. tekshe metrdi quraǵan.
«Al respýblıkany gazben qamtamasyz etý máselesine kelsek, sońǵy 7 jylda gazdandyrý deńgeıi 42 paıyzdan 55 paıyzǵa artty. Eldi mekenderdiń gazben qamtylýy 15 paıyzdan 25 paıyzǵa ósti. Bul jumys jalǵasady, Úkimetke elimizdiń gaz tasymaldaý júıesin odan ári damytý strategııasyn joldadyq, bul qazir barlyq memlekettik organdarmen kelisilýde», - deıdi V. Shkolnık.