Bıyl elimizde órtten qansha adam zardap shekti

NUR-SULTAN. QazAqparat – Bıyl elimizde 8 662 órt tirkeldi. Bul týraly Májilistegi azamattyq qorǵaý júıesine qatysty Úkimet saǵatynda Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Eldegi tótenshe jaǵdaılar men oqıǵalardyń basym kópshiligi- órtter (turmystyq, óndiristik, orman dala). Bul óz kezeginde adamdardyń ómirine jáne el ekonomıkasynyń damýyna qaýip tóndiredi, sondaı-aq bolyp jatqan barlyq tótenshe jaǵdaıdyń 89%-yn quraıdy. Qabyldanǵan sharalarǵa jáne sońǵy jyldary olardyń tómendeý úrdisine qaramastan, órtterdiń sany áli de eleýli bolyp qalýda. Bıyl 8 662 órt tirkeldi, onda 335 adam zardap shekti, 280 adam qaza tapty. Órt kezindegi ólim sebepteri: joǵary temperatýra-83, janý ónimderiniń áserinen-176, gaz jarylystarynan-13, qurylys konstrýktsııalarynyń qulaýynan- 3», - dedi ıÝ. Ilın.

Onyń aıtýynsha, órtterdiń kópshiligi qalalar men iri eldi mekenderge tıesili, olarǵa búginde tek 416 órt sóndirý deposy qyzmet kórsetedi. Olardyń jartysy 50-70-shi jyldary salynǵan, 271 ǵımarat beıimdelgen, al 23-i jalǵa alynǵan ǵımarattarda ornalasqan, 20 ǵımarat avarııalyq jaǵdaıda.

«Qalalar men eldi mekenderdi tıisti órtke qarsy qorǵaýdy uıymdastyrý úshin (5 myń jáne odan da kóp halqy bar) birinshi kezektegi tártippen 127 órt sóndirý deposynyń qosymsha qurylysy talap etiledi (sonyń ishinde 65 - qalalyq jerlerde, 62 - aýyldy eldi mekenderde)», - dedi mınıstr.