Bıyl elimizde kartop 197,6 myń gektar alqapqa egildi

ASTANA. QazAqparat – Jyl saıyn erte pisip jetiletin daqyldardyń alańy ulǵaıyp keledi. Bul týraly Májiliste ótip jatqan Úkimet saǵatynda Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Bıyl oblystar ákimdikteriniń derekteri boıynsha kókónis daqyldary 173,5 myń gektarǵa, kartop 197,6 myń gektarǵa egildi. Jalpy, kókónis daqyldary men kartoptyń jalpy ónimi ishki naryqty qajet kólemmen tolyq qamtamasyz etýge múmkindik beredi», - dedi E. Qarashókeev.

Sonymen qatar ol maýsymaralyq kezeńde ónimmen qamtamasyz etýde problema bar ekenin moıyndady.

«Negizgi tapshylyq sáýir-mamyr aılarynda bolady. Maýsymaralyq kezeńde halyqty óz ónimderimen qamtamasyz etý úshin mynadaı sharalar qabyldanady. Birinshiden, jyl saıyn erte pisip jetiletin daqyldardyń alańy ulǵaıyp keledi. Byltyrmen salystyrǵanda erte pisip jetiletin kókónisterdiń egis alqaby 2,8 myń gektarǵa ósti jáne ákimdikterdiń jedel derekteri boıynsha osy jyly 27 myń gektardy (2022 j. – 24,3 myń gektar) qurady. Onyń ishinde kartop egistigi 2,5 myń gektarǵa (2022 j. – 10,6 myń gektar), qyryqqabat 150 gektarǵa (2022 j. – 8,2 myń gektar), pııaz 100 gektarǵa (2019 j. – 3,3 myń gektar) ulǵaıdy. Ekinshiden, 2022 jyldyń qorytyndysy boıynsha jylyjaılardyń alańy 1,2 myń gektardy qurady. Jylyjaıda ósiriletin qyzanaq pen qııardyń jalpy ónimi 177,5 myń tonnaǵa jetti», - dedi mınıstr.

Onyń sózine qaraǵanda, keıingi úsh jylda ónerkásiptik jylyjaılardyń alańy 31,7 gektarǵa ulǵaıdy jáne 2022 jyldyń qorytyndysy boıynsha 218,9 gektardy qurady.