Bıyl elimizde avtobýstardy jańartýǵa 10 mlrd teńge bólinedi
Mınıstrliktiń málimetinshe, qazirgi ýaqytta elimiz boıynsha qalalyq avtobýs baǵyttarynda shamamen 10,5 myńdaı avtobýs júr. Olardyń 43 paıyzy ıaǵnı 4,5 myńdaı avtobýstyń shyǵarylǵanyna 7 jyldan asyp ketken.
«Óńirlerde avtobýs parkterin jańarýdy qoldaý maqsatynda 2018-2019 jyldary jeńildikpen kredıt berý baǵdarlamasy boıynsha respýblıkalyq bıýdjetten 33,5 mlrd teńge bólindi. Bul qarajatqa óńirlerde Qazaqstanda óndirilgen 693 avtobýs satyp alyndy. Al bıyl bul maqsatqa respýblıkalyq bıýdjetten 10 mlrd teńge qarajat bólý maquldandy. Oǵan óńirler 1 370 avtobýs satyp alýdy josparlap otyr», delingen habarlamada.
2020 jyldan bastap áleýmettik mańyzdy baǵyttarda qyzmet etetin tasymaldaýshylar qosymsha qun salyǵyn tóleýden 3 jylǵa bosatylady. Bul sharalar jolaýshylarǵa kórsetiletin qyzmet sapasyn arttyrýǵa jáne otandyq zaýyt óndirýshilerdi qoldaýǵa baǵyttalǵan.