Bıyl elimizde astyq saqtaıtyn 9 jańa qoıma paıdalanýǵa beriledi - «QazAgro»

ASTANA. QazAqparat - Aǵymdaǵy jyldyń sońyna deıin respýblıkada 9 jańa astyq saqtaý qoımasy paıdalanýǵa beriledi. Bul týraly búgin «QazAgro» UBH» AQ tóraǵasynyń orynbasary Qaırat Aıtýǵanov málim etti.

«Búgingi tańda astyq saqtaý qoımalarynyń qurylysy boıynsha «QazAgro» ulttyq holdınginiń qorjynynda jalpy quny 19,4 mlrd. teńgeni quraıtyn 41 joba bar. Olardyń jalpy syıymdylyǵy 776 600 myń tonnaǵa teń. 2010 jyldan beri jalpy saqtaý kólemi 458 100 tonnany quraıtyn 9,4 mlrd. teńgeniń 24 jobasy paıdalanýǵa berildi. 2014 jyly 195 myń tonnalyq 9 jobany iske asyrý josparlanýda. Jyldyń sońyna deıin «QazAgro» holdıngimen saqtaý qýattylyqtary 623 100 tonna qoımanyń paıdalanýǵa beriletindigi kútilýde», - dedi Q.Aıtýǵanov.