Bıyl elimizde 70-ten astam pedıatr oqýyn aıaqtaıdy
«Óńirlik deńgeıde balalar statsıonary júıesinde qalalyq jáne oblystyq kópbeıindi aýrýhanalar, ınfektsııalyq balalar aýrýhanasy, oblystyq perınataldyq ortalyqtar, perzenthanalar men aýdandyq aýrýhanalardyń balalar bólimderi qyzmet kórsetedi. Bul mekemeler bilikti medıtsınalyq kómek kórsetip qana qoımaı, qaralýǵa kelgen balanyń ári qaraıǵy jaǵdaıyn qadaǵalap, keshendi ońaltý sharalaryn júrgizedi», - dep jazylǵan vıtse-premerdiń jaýabynda.
Aıtýynsha, balalarǵa respýblıkalyq deńgeıde medıtsınalyq qyzmet kórsetetin 3 mekeme bar.
Olar – Almaty qalasyndaǵy 205 orynǵa shaqtalǵan «Pedıatrııa jáne balalar hırýrgııasy ortalyǵy», Nur-Sultan qalasyndaǵy 285 orynǵa arnalǵan «Ulttyq ana men bala ortalyǵy» jáne Almaty qalasyndaǵy S.D. Asfendııarov atyndaǵy qazaq medıtsınalyq ýnırversıetiniń «Aqsaı» klınıkasy.
«Qazirgi tańda ınternatýrada 57 adam, rezıdentýrada 196 adam «Pedıatrııa» mamandyǵy boıynsha oqyp jatyr. 2021 jyly 74 pedıatr bitirip oqýdy aıaqtady. Bıyl 72 túlek oqýyn bitiredi dep josparlanǵan. Osylaısha medıtsınalyq bilim júıesinde pedıatrııa mamandaryn daıarlaý isi bilim berýdiń barlyq deńgeıinde jolǵa qoıylǵan», - deıdi Úkimet basshysynyń orynbasary.