Bıyl elimizde 2,6 myń shaqyrym jol kólik qozǵalysy úshin ashyldy
«Úkimet aldymyzǵa 2 600 shaqyrym avtomobıl jolyn kólik qozǵalysy úshin ashý tapsyrmasyn júktegen bolatyn. Pandemııa áserine qaramastan biz bul kórsetkishti oryndadyq. Bul Táýelsizdik jyldary ishindegi rekord kórsetkish sanalady. Buǵan deıin mundaı kólem oryndalǵan emes. Osy ýaqytqa deıin «Batys Eýropa - Batys Qytaı» kólik dálizi syndy aýqymdy qurylys júrgizilip, sol kezde ary ketkende 700 shaqyrym jol paıdalanýǵa beriletin», - dedi ol búgin elordada BAQ ókilderimen kezdesý barysynda.
Onyń aıtýynsha, qurylys maýsymy qyzyp turǵan kezderde jol salý jumysyna 35 myń adam, 15 myń jol-qurylys tehnıkasy, 81 asfalt-beton zaýyty jáne 79 tas ýatqysh qurylǵy jumyldyryldy.
«Jyl qorytyndysynda biz 399 shaqyrym joldy paıdalanýǵa berip, 2 600 shaqyrym joldy kólik qozǵalysy úshin ashtyq. Sonymen qatar 1 882 shaqyrym jol kúrdeli jáne ortasha jóndeý jumystarymen qamtyldy. Onyń 1 061 shaqyrymynda josparǵa sáıkes jumystardy aıaqtadyq», - dedi Ulan Álipov.