Bıyl elimizde 2,6 mlrd. teńge somaǵa ınvestorlardyń talap aryzdary qanaǵattandyryldy - QR Joǵarǵy Sotynyń Tóraǵasy
13:29, 20 Qazan 2014
ASTANA. QazAqparat - Aǵymdaǵy jyldyń 1-shi jartyjyldyǵyna elimizde 2,6 mlrd. teńge somaǵa ınvestorlardyń talap aryzdary qanaǵattandyryldy.
Bul týraly búgin Qazaqstanda tirkelgen dıplomatııalyq korpýs ókilderine arnalǵan brıfıngte QR Joǵarǵy Sotynyń Tóraǵasy Qaırat Mámı málim etti.
«Aǵymdaǵy jyldyń 1-shi jartyjyldyǵynda ǵana joǵary sot satysy ınvestorlardyń 2,6 mlrd. teńge somaǵa talap aryzdaryn qanaǵattandyrdy», - dedi ol.
Sonymen qatar osy jyldyń shilde aıynda Qazaqstannyń ekonomıkalyq sottarynda bıznes sýbektileri arasynda áleýmettik saýalnama júrgizilgen. Bul shara sot isin qaraýǵa qatysýshylardyń ekonomıkalyq sot jumysyna qanaǵattanýshylyq deńgeıin anyqtaý úshin júzege asyrylǵan.
«Aldyn ala málimetter boıynsha respondentterdiń 86 paıyzdan astamy sottardyń kásibı quzirettiligine qanaǵattanatyndyǵyn bildirdi», - dedi QR Joǵarǵy Sotynyń Tóraǵasy.