Bıyl elimiz keminde 6 mln tonna astyq eksporttaıdy

ASTANA. QazAqparat – Bıyl 6 aıda Qazaqstan Ortalyq Azııa elderi men Aýǵanstanǵa 4,1 mln tonna astyq eksporttady. Bul týraly Aýyl sharýashylyǵy mınıstrliginen málim etti, dep habarlaıdy QazAqparat tilshisi.

«Qazaqstannyń bıdaıy men unyn dástúrli ımporttaýshylary - Ortalyq Azııa elderi men Aýǵanstan. 2022 jyly atalǵan óńirlerge astyq ekvıvalentinde 7,7 mıllıon tonna qazaqstandyq bıdaı men un eksporttaldy. Bul rette eksporttyń 80,5 paıyzy Ózbekstan men Aýǵanstanǵa tıesili. 2023 jyldyń qańtar-maýsym aılary aralyǵynda óńirlerge 4 186 myń tonna astyq ekvıvalentinde bıdaı men un eksporttaldy. Onyń ishinde Ózbekstanǵa – 2 345 myń tonna, Tájikstanǵa - 428 myń tonna, Túrikmenstanǵa - 259 myń tonna, Qyrǵyzstan - 7,6 myń tonna jáne Aýǵanstanǵa - 1 146 myń tonna bıdaı», - dep atap ótedi mınıstrlikten agenttiktiń resmı saýalyna oraı.

Sonymen qatar mınıstr 2023/2024 marketıng jylynda elimiz qansha tonna astyq eksportqa shyǵaratyndyǵyna qatysty málimetti jarııalady.

«Eger sońǵy 3 jyldy alyp qarasaq, elimiz 2020 jyly - 4,7 mln, 2021 jyly - 5,5 mln. tonna jáne 2022 jyly 6,1 mln. tonna bıdaı eksporttaǵan. Qazirgi kezdegi eksportty damytý is-sharalaryn esepke ala otyryp, 2023 jyldyń eksport kólemi 2022 jyldyń kórsetkishinen kem bolmaýy tıis dep sanaımyz», - dedi vedomstvodan.