Bıyl elimiz boıynsha 920 oqýshy respýblıkalyq olımpıadanyń júldegeri atandy - mınıstr
«Keshe Almatyda qala mektepterinde oqıtyn respýblıkalyq olımpıadanyń jeńimpazdary men júldegerlerin quttyqtadym. Jeńimpazdarǵa dıplomdaryn tabystap, daryndy balalardyń suraqtaryna jaýap berdim.
Bıyl júldeli oryndardy elimizdiń barlyq aımaǵynyń 920 qatysýshysy ıelendi. 183 oqýshy altyn, 274 oqýshy kúmis jáne 463 oqýshy qola medal ıegeri atandy.
Olar aýdandyq, qalalyq, oblystyq olımpıadalardyń eleginen ótip, respýblıka kólemindegi úzdikterdiń úzdigi atandy.
Jas qatysýshylardyń jeńisteri barynsha ádil bolýy úshin bıyl biz barlyq deńgeıdegi olımpıadany ótkizý protsesin avtomattandyrdyq. ıAǵnı olar elektrondy formatta ótti.
Byltyr oqýshylarymyzdyń álemdik deńgeıdegi olımpıadalarda jeńip alǵan medaldary rekordtyq kórsetkishke jetti. Bıyl óz rekordymyzdy jańartamyz dep úmittenemin»,-dedi mınıstr.
Sondaı-aq ol sózinde Memleket basshysy Qasym-Jomart Toqaevtyń daryndy balalardy qoldaýǵa erekshe kóńil bóletinin atap ótti.
Jaqynda Prezıdent halyqaralyq pándik olımpıada jeńimpazdaryna birjolǵy aqshalaı tólemderdi tóleý normasyn qarastyratyn zańǵa qol qoıdy. Altyn medal alǵan oqýshyǵa 1 500 AEK, kúmis medalǵa 1 000 AEK, qola medalǵa 500 AEK kóleminde aqshalaı syıaqy beriledi.
Oqýshylardy jarysqa daıyndaǵan pedagogterge de birjolǵy syıaqy beriledi.
Odan bólek, halyqaralyq olımpıadalardyń jeńimpazdary men júldegerlerine qazaqstandyq JOO-ǵa túsý úshin avtomatty túrde granttar beriledi.
«Bilim jáne ǵylym mınıstrligi elimizde balalarǵa jaǵdaı jasaý jáne olımpıadalyq qozǵalysty damytý jumystaryn jalǵastyra beredi.
Qurmetti oqýshylar!
Qyzyqty kezdesý, jaǵymdy emotsııa jáne oqýdaǵy jetistikterińiz úshin rahmet! Munymen toqtap qalmaı, tek alǵa umtyla berińizder!»-deıdi Ashat Aımaǵambetov.