Bıyl elimiz boıynsha 15 mln sharshy metr turǵyn úı tapsyrylady

ASTANA. QazAqparat – Bıyl 15 mln sharshy metr turǵyn úı paıdalanýǵa beriledi. Bul týraly Premer-Mınıstrdiń birinshi orynbasary Roman Sklıar málim etti, dep habarlaıdy QazAqparat tilshisi.

«Azamattardyń sapaly jáne tıimdi baǵadaǵy baspanaǵa degen suranysyn qanaǵattandyrý maqsatynda keshendi is-sharalar júzege asyrylyp jatyr. Byltyr elimizde 15 mln sharshy metrdi qamtıtyn 130 myńnan astam turǵyn úı men páter salyndy. Turǵyn úı qurylysyna salynǵan ınvestıtsııa ótken jylmen salystyrǵanda 17 protsentke artyp, 2,9 trln teńgege jetti», - dedi R. Sklıar Senattaǵy «Tıimdi óńirlik saıasat – elimizdiń ornyqty áleýmettik-ekonomıkalyq damýynyń negizi» taqyrybyndaǵy parlamenttik tyńdaýda.

Onyń aıtýynsha, bıyl 15 mln sharshy metr turǵyn úı paıdalanýǵa beriledi.

Budan buryn habarlanǵandaı, byltyr jalpy qurylys kóleminiń ındeksi 109,4% qurady. Qurylys salýda Mańǵystaý (78,7%) jáne Qaraǵandy (94,4%) oblysyn qospaǵanda, 18 óńirde oń dınamıka baıqalady.