Bıyl elge oralatyn qandastar soltústiktegi 5 oblysqa qonystanady
23:53, 11 Naýryz 2022
NUR-SULTAN. QazAqparat - Bıyl Qazaqstanǵa qonys aýdarǵan qandastardyń qaı óńirlerge taban tireıtini belgili boldy, dep habarlaıdy QazAqparat.
Bul jaıynda «Otandastar qorynyń» baspasóz qyzmeti málim etti.
Qor bıyl qandastardy qabyldaýdyń óńirlik kvotasy jaıynda arnaıy beınerolık daıyndaǵan.
2022 jyly qandastardy qabyldaýdyń óńirlik kvotasy 1499 adamǵa belgilendi.
Óńirlik kvota oblystar arasynda bylaı bólingen:
Pavlodar – 800, Qostanaı – 150, Aqmola – 258, Shyǵys Qazaqstan – 162, Soltústik Qazaqstan – 129 adam.
Eske sala keteıik, qandas mártebesin alǵysy keletin elge jańadan oralǵan azamattardyń qujattaryn qaraý jáne qandas mártebesin berý 3 jumys kúni ishinde júzege asyrylatynyn jazǵan bolatynbyz.