Bıyl eldegi 3 munaı óńdeıtin zaýyt jóndeýden ótedi

ASTANA. QazAqparat –Energetıka mınıstri Bolat Aqsholaqov vedomstvonyń keńeıtilgen alqa májilisinde eldegi úsh munaı óńdeıtin zaýyttyń bári bıyl jóndeýden ótetinin aıtty, dep habarlaıdy QazAqparat tilshisi.

«2022 jyly AI-92 benzıni men dızel otynynyń rekordtyq mólsherin óndirdik. Osyndaı kórsetkishke qol jetkizý Shymkent munaı óńdeý zaýytyndaǵy kúrdeli jóndeýdi 2023 jylǵa aýystyrýǵa baılanysty boldy. Bıyl barlyq 3 munaı óndeý zaýytynda josparly jóndeý jumystarynyń júrgiziletinin eskersek, óndiris kólemi 13,4 mln tonna deńgeıinde bolady dep boljanady», - dedi mınıstr.

Sondaı-aq Bolat Aqsholaqov Shymkent munaı óndeý zaýytyn keńeıtýdiń tehnıkalyq-ekonomıkalyq negizdemesin jobalaý bastalatynyn aıtty.

«Bıyl mınıstrliktiń negizgi mindeti – ishki naryqty sapaly munaı ónimderimen tolyq qamtamasyz etý. Ekonomıkanyń sapaly janar-jaǵarmaıǵa degen suranysyn qamtamasyz etý úshin bıyl óndiristi jylyna 6 mln tonnadan 9 mln tonnaǵa deıin, keleshekte jylyna 12 mln tonnaǵa deıin ulǵaıtýdy kózdep otyrmyz», - dedi vedomstvo basshysy.

Foto: brookings.edu