Bıyl egistik úshin aýa raıy qalaı bolmaq

ASTANA. QazAqparat – Aýyl sharýashylyǵy mınıstri Erbol Qarashókeev egistik úshin jazǵy aýa raıy qalaı bolatyny týraly túsinikteme berdi, dep habarlaıdy QazAqparat tilshisi.

«Qazgıdromettiń málimetinshe, kóktemgi aýa raıy qolaıly boldy. Ylǵaldylyq boıynsha jaǵdaı ortasha jyldyq norma deńgeıinde. Aldaǵy ýaqytta aýa raıynyń nasharlaýy kútilmeıdi», - dedi Erbol Qarashókeev Úkimet otyrysynan keıin BAQ ókilderiniń saýalyna jaýap bere otyryp.

Vedomstvo basshysy málimdegendeı, Qazgıdromettiń boljamyna sáıkes elimizde jazda qolaıly aýa raıy kútiledi.

«Maýsym aıynda jaýyn-shashynnyń ortasha jyldyq normasy kútiledi. Shilde jáne tamyz aıynda el aýmaǵynyń basym bóliginde optımısti aýa raıy boljanady. Tek batys jáne ońtústik aımaqtarda kúmán bar, biz ony baqylaýda ustaımyz. Ázirge daǵdarystyń alǵyshart belgileri joq», - deıdi mınıstr.

Aıta ketsek, E.Qarashókeev memleket sharýalarǵa kıikten kelgen shyǵyndy ótep bere almaıtyndyǵyn habarlady.

Sondaı-aq Úkimet otyrysy barysynda bıyl astyq túsimi 16 mln tonna kóleminde bolatyny aıtyldy.