Bıyl EAEO jalpy ishki óniminiń ósimi 3,1 paıyz bolýy múmkin – Álıhan Smaıylov

NUR-SULTAN. QazAqparat – Bıyl EAEO jalpy ishki óniminiń ósimi 3,1 paıyz bolady dep kútilýde. Bul týraly elordada Eýrazııalyq úkimetaralyq keńestiń keńeıtilgen otyrysynda QR Úkimet basshysy Álıhan Smaıylov aıtty, dep habarlaıdy QazAqparat tilshisi.

«Keshe shaǵyn quramda ekonomıkalyq ıntegratsııany ary qaraı damytýǵa baǵyttalǵan birqatar mańyzdy máseleni tyńǵylyqty talqyladyq. Ár el ulttyq múdde men ulttyq naryqty qorǵaýǵa umtylatyny anyq. Ulttyq múdde men ıntegratsııalyq protsester arasynda ońtaıly teńgerimdi tabý, bolashaqqa bizdiń strategııalyq kózqarasty aıqyndaý mańyzdy. Ásirese, ekonomıkanyń qubylmaly jaǵdaıynda erekshe eskerilýi kerek», - dedi Á. Smaıylov.

Osy oraıda Úkimet basshysy EAEO-ǵa múshe elderdiń ekonomıkalary ótken jyly aıtarlyqtaı belsendi deńgeıde qalpyna kelgenin jáne pandemııaǵa deıingi kórsetkishterge jetkenin atap ótti.

«2021 jyldyń qorytyndysy boıynsha EAEO jalpy ishki ónimi 4,5 paıyzdy qurady. Sonymen qatar sarapshylar 2022 jyly álemdik ekonomıka ósimi baıaýlaıtynyn atap ótýde. Bıyl EAEO jalpy ishki ónimi ósimi 3,1 paıyz bolady dep kútilýde», - dedi Álıhan Smaıylov.