Bıyl dopıngke qarsy erejeni buzýdyń 37 oqıǵasy tirkeldi - mınıstr
«Qazirgi ýaqytta dopıngti qoldaný álemdik sport qozǵalysynda eń ózekti máselelerdiń biri boldy. Dopıngten shyǵatyn barlyq qaýiptilik aýqymyn túsine otyryp, ony joıýǵa baǵyttalǵan sharalar keshenin turaqty negizde júrgizý qajet. Jyl saıyn Ulttyq dopıngke qarsy ortalyq 3 myń bıosynamalardy alý jumystaryn jirgizedi. 2013 jyldan bastap qazaqstandyq sportshylardyń dopıngti paıdalanýynyń 307 oqıǵasy anyqtaldy. 2019 jyldyń 10 aıynda dopıngke qarsy erejeni buzýdyń 37 faktisi belgili boldy», - dedi Aqtoty Raıymqulova Parlament Senatynyń jalpy otyrysynda.
Onyń sózine qaraǵanda, dopıngti paıdalanýdy joıý jónindegi jaǵdaıdy taldaı otyryp, álemdik sport arenasynda, onyń ishinde Olımpıada oıyndarynda joǵary sporttyq nátıjelerge qol jetkizý maqsatynda zańnamalyq deńgeıde dopıngke qarsy talaptardy kúsheıtý jóninde sharalar qabyldaý qajettigi bar. Atap aıtqanda, tyıym salynǵan barlyq preparattar men sýbstantsııalardy qoldaný, taǵaıyndaý jáne taratý úshin jaýapkershilikti arttyrý qajet.
Aıta keteıik, búgin Parlamenti Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy qaraldy. Zań jobasy dopıngke qarsy erejelerdi buzǵany úshin jaýapkershilikti qatańdatýǵa, Ulttyq dopıngke qarsy uıymnyń mártebesin kúsheıtýge baǵyttalǵan.