Bıyl bıýdjettiń kirisi 3,7 trln teńge ulǵaıtylmaq

ASTANA. QazAqparat – Kóleńkeli ekonomıkanyń úlesin qysqartý esebinen Bıyl bıýdjettiń kirisi 3,7 trln teńge ulǵaıtylmaq. QR Premer-Mınıstriniń orynbasary – Qarjy mınıstri Erulan Jamaýbaev vedomstvonyń keńeıtilgen alqa májilisinde osyndaı josparyn jarııalady, dep habarlaıdy QazAqparat tilshisi.

«Byltyr bıýdjettiń kiristiligi boıynsha rekordtyq ósimge qol jetkizdik. Bıylǵy meje sodan asyp túsýge baǵyttalǵan. ıAǵnı, kiristi 3,7 trln teńgege ulǵaıtý qajet. Osyǵan baılanysty kóleńkeli ekonomıkanyń úlesin qysqartý jáne salyq-kedendik ákimshilendirýdi jetildirý jónindegi jumysty jandandyramyz», - Erulan Jamaýbaev.

Mınıstr «Biryńǵaı tereze», «Astana1», «Elektrondyq shot-faktýra» sııaqty aqparattyq júıeler negizinde taýar qozǵalysyn qadaǵalaýdyń ulttyq júıesi jańǵyrtylyp jatqanyn atap ótti.

«Halyq pen bızneske yńǵaıly bolý úshin «E-salyq azamat» jáne «E-salyq bıznes» sııaqty mobıldi qosymshalarymen qamtýdy keńeıtemiz. Qarjy uıymdaryna arnalǵan elektrondyq servıster arqyly qolma-qol aqshasyz tólemderdiń serpindi ósýin qamtamasyz etemiz. Kedendik statıstıkanyń alshaqtyǵyn tómendetý boıynsha jumystar belsendi júrgizilýde. Ol úshin negizgi saýdadaǵy áriptes eldermen aqparat almasý jolǵa qoıylýda», - dedi vedomstvo basshysy.