Bıyl bıýdjetke qansha qarajat tústi

NUR-SULTAN. QazAqparat – Jyl basynan beri memlekettik bıýdjetke 4 trln 355 mlrd teńge qarajat tústi. Bul týraly QR Qarjy mınıstri Erulan Jamaýbaev aıtyp berdi, dep habarlaıdy QazAqparat tilshisi.

«Bıylǵy 5 aıdyń qorytyndysy boıynsha memlekettik bıýdjetke 4 trln 355 mlrd teńge somasynda qarajat tústi nemese jospar 110,4%-ke atqaryldy. Respýblıkalyq bıýdjetke 2,7 trln teńge somasynda kirister tústi nemese jospar 101,6%-ke atqaryldy», - dedi Qarjy mınıstri búgingi Úkimet otyrysynda.

Onyń aıtýynsha, kirister boıynsha jospar 42 mlrd teńgege, onyń ishinde salyqtar boıynsha – 2 mlrd teńgege, salyqtyq emes túsimder boıynsha 39 mlrd teńgege asyra oryndalǵan.

«Bul negizinen ımportqa salynatyn qosylǵan qun salyǵy, munaıǵa eksporttyq keden bajy jáne korporatıvtik tabys salyǵy esebinen qamtamasyz etildi. Importqa salynatyn QQS boıynsha jospardyń asyra oryndalýy: ótken jyldyń uqsas kezeńimen salystyrǵanda bıylǵy 4 aıda úshinshi eldermen ımport kóleminiń 8,1%-ke nemese 488 mln dollarǵa ulǵaıýyna baılanysty. Oǵan qosa 2021 jylǵy 1 toqsanda Eýrazııalyq ekonomıkalyq odaqqa múshe memleketterden ımporttyq jetkizilimder kóleminiń 11,8%-ke ulǵaıýy áser etti. Shıki munaıǵa eksporttyq kedendik baj boıynsha asyra oryndaý eksporttyq keden bajy mólsherlemesiniń ulǵaıýyna baılanysty boldy», - dep túsindirdi Qarjy mınıstri.