Bıyl bıýdjetke 6 trln teńgeden astam salyq tústi

NUR-SULTAN. QazAqparat –Memlekettik bıýdjetke salyq túsimderi boıynsha jospar 102,0% - ǵa, respýblıkalyq bıýdjetke 100,5% - ǵa jáne jergilikti bıýdjetterge 106,3% - ǵa oryndaldy. Bul týraly QazAqparat Memlekettik kirister komıtetine silteme jasap habarlaıdy.

Memlekettik kirister komıtetiniń basshysy Marat Sultanǵazıevtiń tóraǵalyǵymen memlekettik kirister organdarynyń alqa otyrysy ótti.

«Memlekettik bıýdjetke 6 301,2 mlrd teńge jospar kezinde 125,3 mlrd teńgege asyra oryndala otyryp, is júzinde 6 426,5 mlrd teńge tústi, onyń ishinde: respýblıkalyq bıýdjetke jospardaǵy 4 675,1 mlrd.teńge bolǵanda 22,3 mlrd.teńgege asyra oryndala otyryp, 4 697,5 mlrd teńge tústi; jergilikti bıýdjetke 1 626,0 mlrd teńge josparmen 103,0 mlrd teńgege asyra oryndalyp, 1 729,0 mlrd teńge tústi», - delingen habarlamada.

Aǵymdaǵy jyldyń 9 aıynda kameraldyq baqylaý nátıjeleri boıynsha 94 mlrd teńge óndirildi.

Táýekelderdi basqarý júıesimen taǵaıyndalǵan kedendik tekserý boıynsha anyqtalǵan buzýshylyqtar sany 8,8 myń adamdy quraǵan.

«Halyqaralyq valıýta qorynyń salyq sarapshylary ótkizilgen kezdesýlerdiń nátıjeleri boıynsha, salyq jáne kedendik baqylaýdy júrgizý úshin minez-qulyq faktorlary negizinde salyq tóleýshilerdi irikteý kezinde táýekelderdi basqarý ádisterin belsendi qoldanatyn retinde MKK baqylaý fýnktsııalaryna baǵa berdi.Atap aıtqanda, aǵymdaǵy jyldyń 9 aıynyń qorytyndysy boıynsha baqylaý nátıjesinde bıýdjetke 165 mlrd teńge somasynda túsimder qamtamasyz etildi, bul ótken jyldyń sáıkes kezeńinen 59 mlrd teńgege nemese 55,2% - ǵa artyq», - deıdi baspasóz qyzmeti.