Bıyl búldirshinderge «Álippeni» tabystaý sharasy qalaı ótedi
Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferentsııasynyń plenarlyq sessııasynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
Mınıstrdiń aıtýynsha, jańa oqý jylyndaǵy jańalyqtardyń biri - «Álippe» jáne «Býkvar» oqýlyqtary mektep baǵdarlamasyna qaıta oralady.
«1 qyrkúıekte ótetin saltanatty is-sharada mektep tabaldyryǵyn alǵash attaǵan barlyq birinshi synyp oqýshylaryna «Álippe» birinshi oqýlyǵy retinde beriledi. Bul oqýlyq Ahmet Baıtursynulynyń ádistemesi boıynsha jasalǵan. Osyǵa baǵytta bizdiń ádiskerler men ǵalymdar aýqymdy jumystardy atqardy», - dedi Asqar Aımaǵambetov.
«Álippe» jáne «Býkvar» oqýlyqtary mazmuny jaǵynan birdeı jáne birinshi synyp oqýshylarynyń jas erekshelikterin eskere otyryp jasalǵan.
Budan buryn habarlanǵandaı, 1 qyrkúıekte bolatyn Bilim kúni saltanatty is-sharasy dástúrli formatta, mektep aýmaǵynda 1-synyp oqýshylary úshin uıymdastyrylady.
Olarǵa saltanatty túrde alǵashqy oqýlyǵy Álippe tabystalady. Al 2 men 11-synyp oqýshylary tikeleı bekitilgen kabınetterge baryp, sonda taqyryptyq synyp saǵattaryna qatysatyn bolady.