Bıyl BQO-da 4170 bas maldan brýtsellez anyqtaldy

ORAL. QazAqparat – Bıylǵy 8 aıda Batys Qazaqstan oblysynda 3 582 bas iri qara men 588 bas usaq maldan brýtsellez anyqtalǵan. Búginde olardyń basym bóligi soıýǵa jiberilgen, dep habarlaıdy QazAqparat tilshisi Aýyl sharýashylyǵy mınıstrligine silteme jasap.

«Bıylǵy 8 aıda 469 245 bas iri qara brýtsellezge serologııalyq ádispen zerttelip, nátıjesinde 3 582 maldan aýrý anyqtaldy. Búgingi kúni 3 338 bas iri qara sanıtarlyq soıýǵa jiberildi. Qalǵan 244 bas 15 kún ishinde sanıtarlyq soıýǵa jiberiledi», - delingen vedomstvo jarııalaǵan habarlamada.

Budan bólek bıyl Batys Qazaqstan oblysynda 588 bas ýaq maldan brýtsellez anyqtalǵan. Mınıstrlik aqparatyna saı, qazirgi ýaqytty 516 bas mal sanıtarlyq soıýǵa jiberilgen. Al 344 qoı men eshki 15 kún ishinde soıylady.

«Ótken jyldyń sáıkes kezeńinde brýtsellez aýrýyna 603 125 bas iri qara tekserilip, onyń ishinde 5 144 maldan saryp anyqtaldy. Osyǵan qosa, 1 147 818 bas usaq mal brýtsellezge zerttelip, nátıjesinde 1 393 bas mal sanıtarııalyq soıýǵa jiberildi. Bıyl Batys Qazaqstan oblysynda brýtsellez juqtyrý deńgeıi ótken jylmen salystyrǵanda tómendedi», - dep málim etti Aýyl sharýashylyǵy mınıstrliginen.

Qosa ketsek, buǵan deıin Qostanaı oblysy Fedorov aýdanynda iri qara maldan qarasan aýrýy anyqtalyp, karantın jarııalanǵanyn habarlaǵan edik.